ಕುರುಡು ಹಕ್ಕಿಯ
ಒಂಟಿ ಹಾರಾಟ
ಬಾಳು ಎಂದು ಮುಗಿಯದ
ಹುಚ್ಚು ಹೋರಾಟ
ಹೊಂದಾಣಿಕೆ ನೆಪದಲ್ಲಿ
ಕನಸುಗಳ ಮಾರಾಟ
ತನಗೂ ಕೇಳದು ತನ್ನ
ಎದೆಯ ಚೀರಾಟ

ಗೋಡೆ ಇರದ ಬಯಲಲ್ಲಿ

ಕರಿ ಮೋಡದ ನೆರಳಲ್ಲಿ

ಬಿಕ್ಕಲಿಸುತಿಹನೊಬ್ಬ

ಮುಚ್ಚಿ ಕಣ್ಣ ಬೆರಳಲ್ಲಿ

ಯಾರಿಲ್ಲದವನ ತಲೆ ಒರಗಿದೆ

ಭೂತಾಯಿಯ ಮಾಡಿಲಲ್ಲಿ

ಕಂಬನಿ ಜೊತೆ ಇಂಗುತಿಹುದು

ಪ್ರತಿ ದುಃಖ ಅವಳಲ್ಲಿ

ಧಿಂಗುಡುವ ಏಕಾಂತ

ದಿಕ್ಕಿಲ್ಲದೆ ಬೀಸೊ ಗಾಳಿ

ತಾರದು ನೆಮ್ಮದಿ ಮನಕೆ

ಬೆಳದಿಂಗಳಿರದ ಇರುಳಲ್ಲಿ

ಬಾರದವರ ಹೆಜ್ಜೆಯ ಗುರುತು
ಎದೆಯ ಹಸಿ ಮಣ್ಣಲ್ಲಿ ಬೆರೆತು
ನೂರು ಕಂಧರ ಮಾಡಿದರು
ನಡಿ ಬೇಕು ನಾವದನ್ನ ಮರೆತು

ಯಾರಿಗೋ ಕಾದು ನಿಂತ ಹಾದಿ

ಯಾರಿಗೂ ಹೇಳದು ಇದರ ಅಂತ್ಯ ಆದಿ

ಇಲ್ಲಿಂದ ಹೊರಹೊಮ್ಮಿದವರು

ಪ್ರೇಮಿ ಯೋಧ ಹಾಗು ಪ್ರವಾದಿ

ಮನದ ಮಾತಿಗೂ ಮೌನದ ಆಸರೆ
ಬೆಳದಿಂಗಳಲಿ ಪ್ರೀತಿ ಅರಳಿದ ತಾವರೆ